Osagaiak
- Bildots bat zatituta
- 3 porru
- Perrexila
- Olioa
- Gatza
- Letxuga
- Tipulina
- Ozpina
Prestatzeko era:
- Lehenengo salda prestatuko dugu, porruak garbitu eta perrexil fresko sorta batekin batera egosten jarri, gatz pixka bat bota.
- Zatitutako bildotsa labeko ontzi zabal baten jarri, gatza gehituta, eta olio txorrotada bat botata gainetik. Aurretik berotutako labean sartuko dugu.
- Orduerdira, labetik ontzia atera, eta bildots zatiei buelta eman, eta gainetik salda gehitu, ontziaren azpikaldea lehortu ez dadin. Errepikatu prozesua ordu batera, eta ordu eta erdira, azpikaldea lehorra ez badago, ez dauka saldarik gehitu beharrik.
- Zerbitzatu aurretik letxuga eta tipulinarekin entsalada prestatuko dugu.
- Labetik ateratzean, erretiluan geratu den saltsa zartagin batean gutxitu, eta bildotsari gainetik bota. Entsaladarekin lagunduta atera.
Egilea
Pago Uso Elkartea
